కర్తవ్యము

కర్తవ్యము

కడలి కన్నీటికి బెదిరితే , నావ ఆటుపోటుకి అదిరితే

అమృతం మరణానికి భయపడితే , వాయువు తుఫానుకి జంకితే

పురి విప్పి నాట్యమాడిన మయూరము వేటగాని మాటుకి నక్కితే

సూర్యుడు తన వేడిమి తాళలేక మేఘాల చాటున దాగితే

చందమామ వెన్నెల కు వణికితే,

నక్షత్రాలు తమ వెలుగు కాంచలేక తామే కనులు మూసుకుంటే

పుష్పాలు తమ జీవిత కాలము ఒక దినమేనని నిరాశకు గురైతే

చెట్లు తమ ఉనికిపై సందేహముతో చిగురించడము మానివేస్తే

అందమైన కలువ పువ్వులు బురదను చీదరించుకుంటే

ఋతువుల ఆగమనం అకాల వైపరీత్యాలకు భయపడి నిలిచిపోతే

తమ మకరందాన్ని దోచుకుంటారని తేనెటీగలు యోచిస్తే

వాన తాను కురిసే నేల బాగులేదని మార్గమద్యం లోనే ఆగిపోతే

నిప్పు తనని దుర్వినియోగపరుస్తున్నారని రాజుకోకుంటే .......

ఏమవుతుంది ఈ లోకము మరి మనిషి ప్రకృతి పట్ల తన కర్తవ్యమును విస్మరిస్తే ............ ప్రవీణ.